السيرة الذاتية للممثلة أنيسة لطفي

 أنيسة لطفي هي ممثلة موش عادية وغرامها بالمسرح والرقص الكلاسيكي بدا معاها مالصغرة ودخلت عام 1963 لفرقة مدينة تونس مع علي بن عياد وخدمت في برشا بلدان كيما سوريا والنمسا والعراق وروسيا وحتى أمريكا.

مثلت عام 1966 مع جميل راتب مسرحية عطيل وحتى في السينما خدمت مع برشة أجانب كيما المخرج الطلياني دينو ريزي وفي التلفزة شفناها ديما المرا العاقلة والحنينة في مسلسلاتنا الرمضانية من زهرة مرت سي سعيد في قمرة سيدي المحروس ولقيناها زادة في "يا زهرة في خيالي" وعام 2008 في مسلسل صيد الريم مع سي رئيف. أنيسة لطفي فنانة متميزة نجمت تمشي خطوة خطوة في مسيرة حافلة بين المسرح والتلفزة والسينما وهذا اللي خلى أيام قرطاج المسرحية العام هذا في دورتها 19 يكرموها على مشوارها الفني وتكرم معاها زادا الممثل المصري محمد صبحي والممثلة سلاف فواخرجي تكريم لقى برشا تقدير من الناس الكل.